அவளுக்காக ஒரு மடல்

pztyf_310663.jpg

வணக்கம்!
என்னைச் சாய்க்கும், சாய்த்துக்கொண்டிருக்கும்
சாய்க்கப் போகும் இமைகளைக் கொண்டவளுக்கு.
நான் உங்களிடம் பேசுவதாக எழுதும்
இந்த எழுத்துக்கள் உங்களைச் சேரப்போவதில்லை.
ஏதோ ஒரு நம்பிக்கையில் இதை உணர்வீர்கள்
என்று எழுதுகின்றேன் கேளுங்கள்.

உங்கள் அழகென்று எடுத்துக்கொண்டால் அதன்
அருகினில் நிற்கக் கூட தகுதியற்றவன் நான்.
உங்களின் செல்வத்தைக் கணக்கில் கொண்டால் உங்கள்
நிழலைக்கூட நெருங்கத் தகுதியற்றவன் நான்.

இப்படி எவ்வளவோ முரண்பாடுகள் இருவருக்கும்
இருந்தும் உங்களின் விழிகளை நாடும் எனது
விழிகளுக்கு பதில் சொல்லத் தெரியாமல் நானும்
சேர்ந்து காத்திருக்கத் தொடங்கிவிட்டேன் நீங்கள்
வரும் வழி பார்த்தது.

உங்கள் பார்வைகளுக்காக இருபத்தெட்டு வயதிலும்
ஒரு பத்து வயது குறைந்த இள வயது இளைஞன்
போல தேடித்தேடி காத்திருக்கத் துவங்கிவிட்டேன்.
எனக்கே ஒருசில நேரங்களில் இது முட்டாள்த்தனமாய்த்
தோன்றும் ஒன்றென்றாலும் அதில் இருக்கும் இன்பத்தை
இழக்க மனமில்லாமல் தொடர்ந்துகொண்டிருக்கிறேன்.

எந்தன் வருத்தும் பார்வைகளுக்காக உங்களிடம்
பொறுத்துக் கொள்ளச் சொல்லிக் கேட்டேன்.
நீங்களும் புன்னகைத்துக் கொண்டே ஏற்றுக்கொண்டீர்.
அதற்குமேல் பேச மனமில்லாமல் பதட்டத்துடன்
திரும்பி வந்து வருத்தப்பட்டுக் கொண்டேன்
இருந்த இன்பத்தை இழந்துவிட்டவனாய்.

உங்களை பார்க்கத் தவிர்ப்பது மாதிரி நடிக்கத்
தெரிந்த எனக்கு நினைக்காமல் இருப்பதுபோல்
உண்மையிலும் நடிக்கத் தெரியவில்லை. – நீங்கள்
வரும் வழிகளில் ஏதோ ஒரு மறைவில்
உங்களை பார்த்து இரசித்துக் கொண்டிருப்பேன்
இதையும் சேர்த்துப் பொறுத்துக் கொள்ளுங்கள்.

எனக்கும் நன்றாகவே தெரியும் இதுவும்
இழக்கப்போகும் ஓர் இனம்புரியா இன்பமென்று.
இந்த இன்பத்தை நீங்கள் உணரப்போவதும் இல்லை!
உங்களால் உணரவும் முடியாது.- ஏனென்றால்
இது எனக்காகவே படைக்கப்பட்ட ஒன்று.

நீங்கள் படைக்கப்பட்டது எனக்காக என்று
என்னால் உறுதியாகச் சொல்ல இயலாது.
ஒருவேளை எனக்காக என்று இருந்தால்
என் மகிழ்ச்சியை யாராலும் அளவிட முடியாது.
காலம் பதில் சொல்லும் என்று காத்திருக்கிறேன்.

ஒருவேளை நீங்கள் கிடைக்காமல் போனால்
எனக்காக வருபவளை உங்களை எப்படி
வைத்திருப்பேனோ அதைவிடவும் ஒருபடி மேலேயே
வைப்பேன் என்பதை உறுதியகச் சொல்ல இயலும். – அது
நீங்களாக இருக்க வேண்டும் என்றுதான் விரும்புகிறன்.

ஏமாற்றம் என்பது எந்தவகையிலும் எனக்குப் புதியதல்ல.
என்று ஏமாறப்போகின்றேன் என்ற நாளை நோக்கிக்
காத்திருக்கும் நான்.


சிவராமகிருட்டிணன்

Advertisements

நண்பா..

images

நண்பா கடவுள் எனக்கு
அளித்த காணிக்கை நீ
நீ இருக்கையில் என்ன
கவலை இனி எனக்கு
இன்பமாய் நகரும்
இனிமையாய் முடியும் என்
நாட்கள் அனைத்தும் !

வாழ்நாளில் ,
நான் நினைத்து மகிழும்
நீங்காத என் நினைவுகளின்
ஓட்டுமொத்த நினைவுகல் நீ !

கடவுளுக்கும் கிடைக்காத பரிசு
நண்பன் , எந்த நண்பனுக்கும்
கிடைக்காத நண்பன் என்
நண்பன் நீ !

ஈன்ற தாயின் அன்பும்
ஈன்ற தந்தையின் அறிவும்
உடன் பிறந்தோர்களின் அணைப்பும்
உன் உருவில் கண்டேன்
ஒன்றாய் !

உன் அன்னை படைத்தாள்
உன்னை ஒரு முகத்தோடு
ஆனால் பன்முகம் கொண்டாய் எனக்காக
என் காதலின் தூதுவனாய்
என் மணநாள் தோழனாய்
என் எதிரிகளின் எதிரியாய் நீ நண்பா !

போட்டி உண்டு எங்களுக்குள்
யார் அன்பு செலுத்துவதில் அதிகம் என்று
பொறாமை உண்டு எங்களை
பார்க்கும் மற்றவர்களுக்குள் யார் இவர்கள்
நிகழ்கால கர்ணனா – துரியோதரன
என்று !

நம் நட்பிற்கு மரணமே
இல்லை நண்பா
நம் நினைவுகளால் மட்டும்
இல்லை நண்பா
நம் நட்பை பற்றி என்றும்
பேசும் மனிதர்களின் மூலமாகவும்
தொடரும் பல நூற்றாண்டுகளை
கடந்தும் !


அன்னை ப்ரியன் மணிகண்டன்

நினைவில் கலங்குகிறேன்..

pagrs_300185

உன்னை நினைத்து
நினைத்துத்தான்
நித்தமும்
கலங்குகிறேன்…..
எதிரியே
தெரியாத
தேசத்தில்…..யுத்தம்
புரிகிறேன்…..!!

நான் மடிந்து
போனாலும்
உன்நினைவுகள்
முடிந்து
போகாது…..மீண்டும்
மீண்டும்
நினைவலைகளாய்
நெஞ்சில்
வாழும்……!!

மலரும்
பூக்கள்
எல்லாம்
மாலை ஆவதில்லை…..
உள்ளத்தில்
உதித்த
காதல்
எல்லாம்…..கரை
சேர்ந்ததில்லை……மாறாக
கவலைகளையே
தந்து
தொலைக்கிறது……!!

என் சிந்தனையில்
நிலைத்தவளே…..
என்னை
சிதையில் போட்டாலும்
சீக்கிரம்
உன்னைத்
தொலைக்க
மாட்டேன்……!!

நம்மை
மறந்து
நாம்
வாழ…..இந்த
ஜென்மத்தில்
எங்கேயும்
இடமில்லை…..
அப்படியும்
மறந்தால்
இந்த
ஜென்மத்திலேயே
நாம்
இல்லை…..!!

காதலின்
வலிகளோடு
ஒருசில
வரிகள்……
பேனா மை
கொண்டு அல்ல…..
என் கண்ணீரின்
ஈரம் கொண்டு……!!


thampu

அர்த்தம் இல்லாதவைகள்..

kqhcw_282484

நான் நானாகவும் இருக்கிறேன்
நான் நீயாகவும் இருக்கிறேன்
———————————————
நடக்கின்ற பூ வனம் நீ
நடமாடும் கல்லறை நான்
———————————————
“உன்னை பிடிக்கவில்லை”
என்று நீ சொன்ன சொற்கள்
வார்த்தை பிழைகள் தானே
———————————————-
இனி தவணை முறையில் மரணம்
எனக்கு
என் கைபேசியில் உன் புகைப்படம்
பதிவிறக்கம்
———————————————–
நீ பார்த்த நொடிகளுக்கா,
நீ பார்க்க இமைத்த இமைகளுக்கா,
எதற்கு தர தண்டனை
எதற்கு தர பரிசு
———————————————-
வாட்சப் திரைக்குள் எப்போது வந்து சேருவாய்
நெருங்குகிறேன் நொடிக்கு நூறு முறை நீ எப்படி….
———————————————–
உன் நினைவுகளை தூக்கிப் போட்டும் பின்பு,
பிடித்தும் விளையாடுகிறேன்
இடைப்பட்ட வெளியில்
(வலிப்பட்டு) இன்னும் மிச்சமுள்ளது என் காதல்
——————————————————
நேசத்தின் விளிம்புக்கு
அப்பால் பள்ளம் அல்ல
குழி தோண்டு
இனி நான் வாழ்வது உறுதி இல்லை.
—————————————————–
கனத்து போனது மனம்
காரணம் நீ தான்
கவித்துவமாகி போனது மனம்
இதற்கும் காரணம் நீ தான் ……
——————————————————-
நீ இல்லா நாட்கள் இனி எப்படி
இப்படி நான் நினைத்துக்கொண்டிருப்பதே
என் கல்லறையில் தானோ……….
———————————————–

ஆனந்தி

 

 

இன்னும் மறக்க வில்லை..

wbegs_281132

1. உன்னை மறந்திருப்பேன் என நீ
நினைத்திருப்பாய்,
உன்னை மறக்க முடியாத வலிகளால்
பினைக்கப்பட்ட வாத்தையல்லவா
நான்….

°°°°°°°°°°°°°°°°°°

2. சந்தோசமாய் வாழ்கிறேன் என
எண்ணியிருப்பாய்,
எப்படி முடியும்
நான் வாழும் வாழ்க்கையின்
முழு வலிகளும்
நீ தந்த வரமல்லவா….

°°°°°°°°°°°°°°°°

3. முப்பது நாட்களில் உன்னை மறந்திருப்பேன்
என்றிருப்பாய்,
என்பது வருடங்கள் ஆனாலும்
உன்னைப் போல வருமா ஒரு உறவு?

°°°°°°°°°°°°°°°°

4. பேசாமல் விட்டிருப்தால்
உன் நினைவுகளை
தொலைத்திருப்பேன் என்றிருப்பாய்,
இன்னும் அதிகமாய் நான் சேமிக்கத்
தேடுவது உன் நினைவுகளை என்று தெரியாமல்

°°°°°°°°°°°°°°°°°°
5. பார்த்தும் பார்க்காமல் முகத்தை திருப்பிப் போனதால்
என்னென்ன நினைத்தாயோ….?
நான் நோக்கிடும் திசைகளில்
பார்க்க ஏங்கிடும்
ஒற்றை உயிர் நீ மட்டுமடி….

°°°°°°°°°°°°°°°°

6. எதை நினைத்து
நீ இன்னும் என்னைப் பாக்காமல்
இருக்றாயோ…?
நடை பாதையில்
என் கண்கள் உனைப் பார்க்க தவம் கிடக்கிறதே…….

°°°°°°°°°°°°°°°

7. உன்னோடுதான் வாழ்ந்து கொண்டிருக்கிறேன்,
கற்பனைகள் மட்டுமே
நிறந்தரம் என தெரிந்த பின்பு
அங்கு ஒரு அழகான மாளிகை கட்டி
உன்னோடுதான் வாழ்ந்து கொன்டிருக்கிறேன்…..

°°°°°°°°°°°°°°°°°°°°
8. மௌனம் கொள்கிறாய்
உன் மௌனமே என் மரணம்
என் மரணம் வரை
உன் ஞாபகங்களே என் வாழ்வு..
என்று புரியாமல்…

°°°°°°°°°°°°°°°°

9. உயிரோடே பிரிந்தேன்
உயிர் போகும் வரை உனக்காக
இருக்கின்றேன்
உன்னை மட்டுமே எனக்காக கேட்கின்றேன்…..

======================================================================

மு. பா. அஸ்க்கியா

காதல்.. காதல்.. காதல்…

uxvne_279529

காதல்

அதுவொரு உணர்தல்
அதுவொரு புரிதல்

அதுதான் அமுது
அதுவேதான் நஞ்சு

அதுவுனை மாற்றும்
மேதையாகவும்
பேதையாகவும்

காதலுக்கு
சாதி ஒன்று
மதம் ஒன்று
இனம் ஒன்று
மொழி ஒன்று
நிறம் ஒன்று
உயிர் ஒன்று
துடிப்பு ஒன்று
இதயம் ஒன்று

நீ காதலை கண்டெடுத்தால்
காதல் உன்னில் கவிதையை கண்டெடுக்கு

காதல் மௌன
மொழிகளின்
அகராதி

காதல்
இன்புருத்துவதுமில்லை
துன்புருத்துவதுமில்லை

காதல்
ஒரு தனி சுகம்
சொன்னால் புரியாது
புரிந்து கொண்டவனுக்கும்
சொல்ல தெரியாது

காதல்
சொர்க்கத்தின் பிறப்பிடமும் அல்ல
நரகத்தின் வாழ்விடமும் அல்ல

அது
கண்ணுக்கு தெரியாத
காற்றினை போன்றது

காதல்
இல்லையென்பாரிடமும் இருக்கும்
இருக்குமென்பாரிடமும் இருக்கு

காதல்
ஒரு தாகம்
பருகினாலும் தணியாது
அதிலே மூழ்கினாலும் தெளியாது

அது மனதில் சிறகு கட்டி
இதயத்தில் ஊஞ்சல் பூட்டும் கலை

இமை திறப்பில்
நித்திரை நுழைத்தும்
இமை அணைப்பில்
நித்திரை கலைக்கும் இ(ம்)சை

குருதி ஓடையில்
ஓடிக்கொண்டே
கண்ணீர் கடலில்
மிதந்து வரும்
கானல்

நீர் திவளைக்குள்
ஒளிந்திருக்கும் கனல்
எரிமலைகளுக்குள்
உறைந்து கிடக்கும் பனி

பித்த நிலையின்
மொத்த சுகத்தையும்
நித்தமும் அளிக்க
வல்லமை படைத்த வரம்

வெண்மேக மேற்பரப்பில்
வசிப்பிடம் தேடி
நிலவொளி வெளிச்சத்தில்
நினைவு பெட்டகத்தை திறந்து
மிதக்க வைக்கும் போதை

பூக்களை முட்களோடும்
கோர்த்து தனக்குள்ளே
விற்று தீர்க்கும் பூக்காரி

காதலை
பாடுவதென்றால்

வார்த்தைகள்
வண்ணங்களோடு
நீண்டு கிடக்கும்

காகிதங்கள்
எரிந்து எரிந்து
மீண்டும் பிறக்கும்

தூரிகையின் குருதி
தீர்ந்து போனாலும்
காதலின் குருதி
அதில் நிரம்பி வழியும்

காதல் ஒரு மாயை என்றால்
மாயையும் காதலாகிவிடும்

காதல்
பிறப்பதில்லை
மலர்வதில்லை
உதிர்வதில்லை

காதல்
எங்கும்
வருவதும் இல்லை
போவதும் இல்லை

————————————————————————–

உதயா

தாயின் கண்ணீர்…

0043

அன்னை கற்பத்தில் பூக்காது
அனாதை காப்பகத்தில் பூத்தவனே
சேயாக வந்து எனை தாயாகப் பாத்தவனே
பெத்தெடுக்க முடியாம
நான் தத்தெடுத்த மூத்தவனே

தூளிமேல தூங்க வச்சா
துயில் கலைந்து போகுமேன்னு
தாலி மேல தூங்க வச்சேன்
வேலியெல்லாம் ஏங்க வச்சேன்
வலியெல்லாம் நீங்க வச்சேன்

நீ வளர்ந்து ஆளாகி
முத்திரைய பதிப்பேன்னு
சித்திர வெக்கையிலும்
உன்ன நித்திரைய வாங்க வச்சேன்

மணிக் குயிலா நான் வளத்தேன்
மனிதனாக நீ வளந்த
மனைவிக்கு ஏன் வளைந்த

காரு வேணாம் ரசிக்க
ஒரு வேளை சோறு வேணும் பசிக்க

பத்திரமா நீ என்ன
பட்டணந்தான் காட்டிப்போன

உன்னை பெத்தெடுத்த
இல்லமுன்னு தெரியாம
இந்தத் தத்தெடுத்த ஆத்தாவ
சேத்துவிட கூட்டிப்போன

செத்துவிடத் தோணுதய்யா
மகனே உன்னை முத்தமிடத்
தோணுதைய்யா

கடைசியா ஆசை ஒன்னு
கடவுளே
என் மகன் அனாதையின்னு
அவனுக்கு தெரியாம பாத்துக்கோ
அவன் மகன் இங்க வந்து
ஒருவேளை அவனை சேர்த்தா
கருணையோடு சேத்துக்கோ …

இது கவிதைத்துளி அல்ல
சில முதியோர்களின்
கண்ணீர்த்துளி

————————————————————————

குமார்

மழை நேரம் ஒரு மயக்கம்..

ntzef_278684

கொட்டும் மழையில்
கொதிக்கிறது உயிர்
உன்னோடு உறவாட
மேகத்திடம் தூது சொன்னேன்
உன்னை அள்ளிக் கொண்டுவர

உன் வீட்டுச் சாளரங்கள்
திறந்து வை
தென்றல் வர
தென்றலிடமும் தூது சொன்னேன் உன்னை கூட்டி வர

தூவானம் தூவினால்
நினைத்துக் கொள்
அது மேகத்தின் மொழி என்று

மொழி அறியாமல்
நீ தவித்தால்
நீ தலை அசைத்தால் போதும்
மேகத்திற்கு உன் மொழிகள்
புரிந்து விடும்

தேகம் சுடுகிறது
இதயம் பட படக்கிறது
காதலின் மேல் விழுந்து
கொஞ்சம்
காமத்தில் எழுவோம் வா

மழையோடு சேர்ந்து
மழலையாவோம்
மண்ணோடு சேரும் நீர் போல
நீயும் நானும் ஒன்றாவோம்

காதலின் மோதல் வந்து
என்னை தாக்க
விழி இரண்டும் உன்னையே நோக்க
வா காதலியே மேகத்தின்
மேலேறி
கார்மேகம் போகும் முன்னே
சீக்கிரமாய் என் வீடு வந்து சேரு

சந்திரனை தொலைத்த இரவாய்
சூரியனை தொலைத்த பகலாய்
இந்த கொட்டும் மழையில்
நீ இல்லாமல் நான் தவிக்கிறேன்
காதலியே.

காதலோடு காத்திருக்கிறேன்

————————————————————————–

ஏனோக் நெஹும்

சொல்ல மறந்த சொற்கள்…

hreyj_279361.jpg

கண்களால் கைது செய்து
காதலை புகுத்தி விட்டாய்.
பார்வையால் தவிக்கவிட்டே
என்னை தனிமையில்
ஆழ்த்திவிட்டாய்.
தோழியாய் துணைநின்றே
என் தோல்விகளை
குறைத்துவிட்டாய்.
காதலை மறைத்து நீயும்
கள்ளியாய் தள்ளி நின்றாய்.
காலமும் கொடுமை செய்தே
நம் காதலை
குதறித் தின்ன…
சொல்ல வந்த சொற்களெல்லாம்
உயிரிழந்து உனைத் தேட…
உன் உறைவிடம் தெரியாமல்
என்னுள்ளத்தில் உறைந்துபோக…
உன் நினைவுகளைப் பிரித்தெடுத்து
கனவுகளில் திரையிட்டு…
காலங்கள் கடத்துகின்றேன்
நம் காதலை வாழ வைக்க…
இந்த நொடி சொலகின்றேன்
என் காதலி நீயென்று.

இந்த செய்தி சேருமுன்னே
என்னுயிர் பிரிந்தாலும்
கல்லறையில் எழுதிவிடு…
உன் காதலன் நான் என்று…!

———————————————————

சக்திவேல் லோகநாதன்

ஆழ்ந்த உறக்கம்…

svbtl_278940

இது ஓர் ஆழ்ந்த
உறக்கம்.. தொலை தூரத்தில்.
உன் குரல்.. இமை திறக்கும் முயற்சியில் நான்!!
நீ திரும்பி வா… என்கிறாய்
ஏன் உன் குரல் விசும்புகிறது
அட! நீ கூட
அழுகிறாயா
ஏன்??

இமைகள் கனக்கின்றன..!!
என்ன இன்று
மட்டும் இப்படி உறவுகள் அழைப்பதாய் கூட
உணர்கின்றேனே
ஒரு வேளை.. நான்..!!
இல்லையில்லை

இமைதிறந்து எழுந்தேன்
அருகில் நீ..மற்றும்
என் சுற்றம்..!!
இதயம் லேசாகி பறந்தேன்
சொல்லப் போனால்
காற்றில் மிதந்தேன்..!!

அன்பே..! ! நான் எழுந்து
விட்டேன்
இது என்ன!! ஆண் பிள்ளைகள்
அழலாமா!?? நீ கூட அழுவாயா??
சரி ஏன் அழுகிறாய்? என்
ஆழ்ந்த உறக்கம் தான் கலைந்து
விட்டதே!!
என்னை கொஞ்சம் பாரேன்

திரும்பி பார்த்தேன்
உறைந்து போனேன்..!!
என்னை போல ஒர்
உருவம் அமைதியாய்
உறங்கி கொண்டிருந்தது..!!
நான் இறந்து விட்டேனா??

அந்த ஆழ்ந்த உறக்கம்
களையாததது என்
உடலுக்கு..!!
இனி இந்த களைந்த
உறக்கம்
முடியாததது
என் உயிருக்கு..!!

————————————————————

இவள் நிலா